Dərslərimizə qoşulan şagirdlər üçün təlimat

1. Tərəflərin öhdəlikləri:

Mərkəzin öhdəlikləri:

• Dərsləri təsdiq olunmuş proqram əsasında təşkil etmək;

• Dərslərin keyfiyyətini artırmaq məqsədilə sorğuların təşkili;

• Tədris prosesi barədə valideynlərə mütəmadi(aylıq) məlumat vermək;

• Dərslərin valideynlər tərəfindən istənilən saatda izlənilməsi üçün (canlı və ya kamera ola bilər) şərait yaratmaq.

Valideyn öhdəlikləri:

• Övladının ev tapşırıqlarına ayırdığı müddətə nəzarət;

• Müəyyən olunmuş aylıq ödənişi vaxtında həyata keçirmək (hər ayın əvvəli);

• Şagirdin davamiyyətinə və nizam-intizamına dəstək göstərmək;

• Zəruri hallarda müəllimlə əməkdaşlıq etmək;

Şagird öhdəlikləri:

• Dərslərə hazırlıqlı və vaxtında gəlmək;

• Tədris mühitinin qorunması məqsədilə sinfə enerji içkiləri, fast food, çips və digər zərərli qidalar gətirməmək;

• Dərslərə gecikməmək və dərs bitməmiş sinfi tərk etməmək (bütün gecikmələr və erkən çıxışlar qeydiyyata alınır);

• Sinfə daxil olarkən mobil telefonunu müəllim tərəfindən ayrılmış xüsusi sahəyə təhvil vermək;

• Müəllimin təlimatlarına əməl etmək və dərs prosesində fəal iştirak etmək;

• Sinif otağına və tədris avadanlıqlarına məsuliyyətlə yanaşmaq;

• Müəllimlərə və digər şagirdlərə qarşı nəzakətli və hörmətli davranmaq.

2. Digər razılaşmalar:

• Şagirdin dərslərdə iştirak etməməsi və ya davamiyyətinin pozulması ödənişdə güzəşt üçün əsas hesab edilmir.

• Şagird akademik ay ərzində dərslərini dayandırdığı təqdirdə, həmin ay üzrə ödənilmiş təhsil haqqı geri qaytarılmır.

• Mərkəzimizdə rəsmi bayram günləri (Yeni il, Novruz və s.) nəzərə alınır. Bu dövrlərdə tədris prosesinə uyğun olaraq şagirdlərə 1–2 dərslik qısa tətil verilə bilər.

Sinifdəki kameraya valideynlər tərəfindən qoşulma qaydaları:

1) Telefonlarınızda Google Play və ya App Store vasitəsilə EZVIZ tətbiqini yükləyin.

2) Orada özünüzə hesab yaradın. Hesab mobil nömrə və ya e-mail vasitəsilə ola bilər.

3) Hesab yaratdıqdan sonra qeydiyyatdan keçdiyiniz e-mail və ya telefon nömrəsini bizə şəxsidən yazın ki, sizi sistemə əlavə edək.